1Երէցէն ընտրեալ տիկնոջը ու անոր որդիներուն, զորոնք ես ճշմարտութեամբ կը սիրեմ (և ոչ թէ միայն ես, հապա ամէնն ալ՝ որոնք ճշմարտութիւնը կը ճանչնան,) 2Այն ճշմարտութեանը համար՝ որ մեր մէջ կը մնայ, ու յաւիտեան մեզի հետ պիտի ըլլայ: 3Շնորհք, ողորմութիւն, խաղաղութիւն Հայր Աստուծմէն և Տէր Յիսուս Քրիստոսէ, Հօրը Որդիէն, ձեզի հետ ըլլայ ճշմարտութիւնով ու սիրով։

Ճշմարտութիւն և սէր

4Շատ ուրախ եղայ, որ քու որդիներէդ գտայ որոնք ճշմարտութեամբ կը քալեն այն պատուիրանքին համեմատ՝ զոր Հօրմէն առինք։ 5Եւ հիմա քեզի կ’աÕաչեմ, ով տիկին, ոչ թէ իբր թէ նոր պատուիրանք մը քեզի կը գրեմ, հապա զայն որ սկիզբէն ունէինք, որ մէկզմէկ սիրենք։ 6Եւ սէրը այս է՝ որ անոր պատուիրանքներուն համեմատ քալենք. ու պատուիրանքը այս է՝ որ ինչպէս սկիզբէն ի վեր լսեցիք, անոր համեմատ քալէք։ 7Վասն զի շատ մոլորեցուցիչներ ելան աշխարհի մէջ, որոնք Յիսուս Քրիստոսը մարմինով եկած չեն խոստովանիր. այնպիսի մէկը մոլորեցուցիչ ու Նեռ է։ 8Զգուշացէք ձեր անձերուն, որպէս զի աշխատանքնիս չկորսնցնենք, հապա որպէս զի լման վարձք առնենք։ 9Ամէն ով որ յանցանք կը գործէ ու Քրիստոսի վարդապետութէանը մէջ չկենար, անիկա զԱստուած չունի. ան որ Քրիստոսի վարդապ»տութեանը մէջ կը կենայ, անիկա Հայրն ալ ունի Որդին ալ։ 10Եթէ մէկը ձեզի գայ ու այս վարդապետութիւնը չբերէ, զանիկա տուներնիդ մի ընդունիք, և անոր Բարև մի ըսէք։ 11Քանզի ով որ անոր Բարև կ’ըսէ, անոր չար գործերուն հաղորդ կ’ըլլայ։

Վերջին խօսքեր

12Շատ բան ունէի ձեզի գրելու, բայց չուզեցի թղթով ու մելանով գրիլ․ վասն զի յոյս ունիմ որ ձեզի գամ, ու բերան առ բերան խօսիմ, որպէս զի մեր ուրախութիւնը կատարեալ ըլլայ։ 13Բարև կ’ընեն քեզի քու ընտրեալ քրոջդ որդիները։