Զինուորական և քաղաքային կազմակերպութիւն

1Եւ Իսրայէլի որդիներէն իրենց համրանքովը ազգատոհմի նահապետներէն ու հազարապետներէն և հարիւրապետներէն ու անոնց ոստիկաններէն, դասակարգութեանց ամէն գործին մէջ թագաւորին ծառայութիւն ընողներուն, և տարւոյն ամէն ամիսներուն մէջ ամսէ ամիս մտնողներուն ու ելլողներուն ամէն մէկ դասը քսանըչորս հազար մարդ էր: 2Առաջին ամսուն համար առաջին դասին վրայ Զաբդիէլի որդին Յեսբաամ էր, ու անոր դասը քսանըչորս հազար մարդ էր: 3Առաջին ամսուն ամէն զօրավարներուն իշխանը Փարէսի որդիներէն էր: 4Ու երկրորդ ամսուն դասին վրայ Աքուքացի Դովդա էր. ու Մակեղօթ անոր դասին իշխանն էր, ասոր դասն ալ քսանըչորս հազար մարդ էր: 5Երրորդ ամսուն համար երրորդ զօրապետը Յովիադա քահանային որդին Բանեա գլխաւորն էր, ու անոր դասը քսանըչորս հազար մարդ էր: 6Այս Բանեան երեսունէն զօրաւոր էր ու երեսունին վրայ էր, և անոր որդին Ամիզաբադ անոր դասին մէջ էր: 7Չորրորդ ամսուն համար չորրորդ զօրապետը Յովաբի եղբայրը Ասայէլ, ու անկէ ետքը անոր որդին Զաբադիա էր, և անոր դասը քսանըչորս հազար մարդ էր: 8Հինգերորդ ամսուն համար հինգերորդ զօրապետը Յեզրացի Սամաւովթ էր, ու անոր դասը քսանըչորս հազար մարդ էր: 9Վեցերորդ ամսուն համար վեցերորդ զօրապետը Թեկուացի Եկգեսի որդին Իրաս էր, ու անոր դասը քսանըչորս հազար մարդ էր: 10Եօթներորդ ամսուն համար եօթներորդ զօրապետը Եփրեմի որդիներէն Փելօնացի Քեղղէս էր, ու անոր դասը քսանըչորս հազար մարդ էր: 11Ութերորդ ամսուն համար ութերորդ զօրապետը Զարայեանց Ովսացի Սովբաքն էր, ու անոր դասը քսանըչորս հազար մարդ էր: 12Իններորդ ամսուն համար իններորդ զօրապետը Բենիամինեաններէն Անաթովթացի Աբիեզեր էր, և անոր դասը քսանըչորս հազար մարդ էր: 13Տասներորդ ամսուն համար տասներորդ զօրապետը Զարայեանց Նետոփաթացի Մաարա էր, ու անոր դասը քսանըչորս հազար մարդ էր: 14Մետասաներորդ ամսուն համար մետասաներորդ զօրապետը Եփրեմի որդիներէն Փարաթոնացի Բանեա էր, և անոր դասը քսանըչորս հազար մարդ էր: 15Երկոտասաներորդ ամսուն համար երկոտասաներորդ զօրապետը Գոթոնիէլի սերունդէն Նետոփաթացի Ալադ էր, ու անոր դասը քսանըչորս հազար մարդ էր:

Իսրայէլին ցեղերուն վարչութիւնը

16Եւ Իսրայէլի ցեղերուն վրայ ասոնք էին. Ռուբէնի ցեղին իշխան Զեքրիի որդին Եղիազար, Շմաւոնի ցեղին` Մաաքայի որդին Սափատիա, 17Ղևիի ցեղին` Կամուէլի որդին Ասաբիա, Ահարոնի որդիներուն` Սադովկ, 18Յուդայի ցեղին` Դաւիթի եղբայրներէն, Եղիուս, Իսաքարի ցեղին` Միքայէլի որդին Ամրի, 19Զաբուղոնի ցեղին` Աբդիայի որդին Իսմայիա, Նեփթաղիմի ցեղին` Եզրիէլի որդին Յերիմովթ, 20Եփրեմի որդիներուն` Ազազիայի որդին Ովսէէ, Մանասէի կէս ցեղին` Փադայիայի որդին Յովէլ, 21Գաղաադ եղող Մանասէի կէս ցեղին` Զաքարիայի որդին Յեդդով, Բենիամինի ցեղին` Աբենների որդին Յեսիէլ, 22Դանի ցեղին` Յերոամի որդին Ազարիէլ. Իսրայէլի ցեղերուն իշխանները ասոնք էին: 23Եւ Դաւիթ քսան տարեկանէն վար եղողները չհամրեց, վասն զի Տէրը ըսեր էր որ Իսրայէլը երկինքի աստղերուն չափ պիտի շատցնէ: 24Շարուհեայի որդին Յովաբ սկսաւ համրել, բայց չլմնցուց. ու անոր համար Իսրայէլի վրայ բարկութիւն եկաւ. և այն համրանքը Դաւիթ թագաւորին յիշատակաց գիրքին մէջ չմտաւ:

Արքայական կալուածներուն վարչութիւնը

25Ու թագաւորին գանձերուն վրայ Աղիէլի որդին Ազամօթ էր. և դաշտը ու քաղաքները և գեղերը ու աշտարակները եղող շտեմարաններուն վրայ Ոզիայի որդին Յովնաթան էր. 26Եւ արտը բանող երկրագործներուն վրայ Քեղուբի որդին Եզրի էր. 27Ու այգիներուն վրայ Արիմաթացի Սեմէի էր. ու այգիներուն բերքերուն ու գինիի շտեմարաններուն վրայ Սեփամացի Զաբդի էր. 28Եւ դաշտը եղող ձիթենիներուն ու մոլաթզենիներուն վրայ Գադերացի Բաաղանան էր. ու իւղի շտեմարաններուն վրայ Յովաս էր. 29Ու Սարօնի մէջ եղող արօտական արջառներուն վրայ Սարօնացի Սետրա էր. ու հովիտներու մէջ եղող արջառներուն վրայ Ադղիի որդին Սափատ էր: 30Եւ ուղտերուն վրայ Իսմայելացի Ոբիլ էր. ու էշերուն վրայ Մերոնոթացի Յադայիա էր. 31Եւ հօտերուն վրայ Հագարացի Յազիզ էր. ասոնք ամէնը Դաւիթ թագաւորին ստացուածքներուն վերակացուներն էին:

Դաւիթին անձնական խորհրդականները

32Ու Դաւիթի հօրեղբայրը Յովնաթան խորհրդական էր. անիկա խելացի ու գիտուն մարդ էր. և Հաքեմոնիի որդին Յեքիէլ թագաւորին որդիներուն հետ էր. 33Ու Աքիտոփէլ թագաւորին խորհրդականը, և Արաքացի Քուսի թագաւորին բարեկամն էր. 34Ու Աքիտոփէլէ ետքը Բանեայի որդին Յովիադա ու Աբիաթար էին. ու թագաւորին զօրագլուխը Յովաբ էր: