Տաճարին երաժիշտները

1Եւ Դաւիթ ու զօրքին իշխանները Ասափի, Եմանի ու Իդիթունի որդիներէն` քնարներով, տաւիղներով ու ծնծղաներով մարգարէութիւն ընողները որոշեցին այս պաշտօնին համար. ու իրենց պաշտօնին համեմատ` այս ծառայութիւնը ընող մարդոց համրանքը ասիկա էր. 2Ասափի որդիներէն թագաւորին քով մարգարէութիւն ընող Ասափի ձեռքին տակ Ասափի որդիները Զաքուր, Յովսէփ, Նաթանիա և Ասարէլա էին: 3Իդիթունէ Իդիթունի որդիները, Գոդողիա, Եզրի, Եսայի, Սեմէի, Ասաբիա ու Մատաթիա, վեց էին. ու ասոնք իրենց հօրը Իդիթունի ձեռքին տակ էին, որ քնարով Տէրոջը գոհութիւն ու օրհնութիւն երգելով մարգարէութիւն կ’ընէր: 4Եմանէ Եմանի որդիները Բոկքիա, Մաթանիա, Ոզիէլ, Սուբայէլ, Յերիմովթ, Անանիա, Անանի, Եղիաթա, Գեթողաթի, Ռօմամթիեղեր, Յեսբակասա, Մեղեթի, Յօդիր ու Մազիովթ էին: 5Ասոնց ամէնը Եմանի որդիներն էին, որ թագաւորին տեսանողն էր` Աստուծոյ խօսքերուն մէջ եղջիւրը վերցնելու. ու Աստուած Եմանի տասնըչորս տղայ ու երեք աղջիկ տուեր էր: 6Ասոնք ամէնը Աստուծոյ տանը պաշտօնին համար ծնծղաներով, տաւիղներով ու քնարներով` իրենց հօրը ձեռքին տակ Տէրոջը տանը երգերը կ’երգէին. իսկ Ասափ, Իդիթուն ու Եման թագաւորին ձեռքին տակ էին: 7Եւ անոնց թիւը` Տէրոջը երգերը սորված իրենց եղբայրներուն հետ, այսինքն բոլոր հանճարեղներուն թիւը երկու հարիւր ութսունըութ էր: 8Եւ իրենց յաջորդական պաշտօնին համար` պզտիկը ու մեծը, վարպետը ու աշակերտը մէկտեղ վիճակ ձգեցին: 9Եւ առաջին վիճակը Ասափի որդւոյն Յովսէփի ելաւ. երկրորդը Գոդողիայի. ինք ու իր եղբայրները ու որդիները տասուերկու մարդ էին. 10Երրորդը Զաքուրի, որ իր որդիներովը ու եղբայրներովը տասուերկու մարդ էր. 11Չորրորդը Եզրիի, որ իր որդիներովը ու եղբայրներովը տասուերկու մարդ էր. 12Հինգերորդը Նաթանիայի, որ իր որդիներովը ու եղբայրներովը տասուերկու մարդ էր. 13Վեցերորդը Բոկքիայի, որ իր որդիներովը ու եղբայրներովը տասուերկու մարդ էր. 14Եօթներորդը Յեսարելայի, որ իր որդիներովը ու եղբայրներովը տասուերկու մարդ էր. 15Ութերորդը Եսայիի, որ իր որդիներովը ու եղբայրներովը տասուերկու մարդ էր. 16Իններորդը Մաթանիայի, որ իր որդիներովը ու եղբայրներովը տասուերկու մարդ էր. 17Տասներորդը Սեմէիի, որ իր որդիներովը ու եղբայրներովը տասուերկու մարդ էր. 18Մետասաներորդը Ազարիէլի, որ իր որդիներովը ու եղբայրներովը տասուերկու մարդ էր. 19Երկոտասաներորդը Ասաբիայի, որ իր որդիներովը ու եղբայրներովը տասուերկու մարդ էր. 20Երեքտասաներորդը Սուբայէլի, որ իր որդիներովը ու եղբայրներովը տասուերկու մարդ էր. 21Չորեքտասաներորդը Մատաթիայի, որ իր որդիներովը ու եղբայրներովը տասուերկու մարդ էր. 22Հնգետասաներորդը Յերիմովթի, որ իր որդիներովը ու եղբայրներովը տասուերկու մարդ էր. 23Վեցտասաներորդը Անանիայի, որ իր որդիներովը ու եղբայրներովը տասուերկու մարդ էր. 24Եօթնուտասներորդը Յեսբակասայի, որ իր որդիներովը ու եղբայրներովը տասուերկու մարդ էր. 25Ութուտասներորդը Անանիի, որ իր որդիներովը ու եղբայրներովը տասուերկու մարդ էր. 26Իննուտասներորդը Մեղեթիի, որ իր որդիներովը ու եղբայրներովը տասուերկու մարդ էր. 27Քսաներորդը Եղիաթայի, որ իր որդիներովը ու եղբայրներովը տասուերկու մարդ էր. 28Քսանըմէկերորդը Յօթիրի, որ իր որդիներովը ու եղբայրներովը տասուերկու մարդ էր. 29Քսանուերկուերորդը Գեթողաթիի, որ իր որդիներովը ու եղբայրներովը տասուերկու մարդ էր. 30Քսանուիրեքերորդը Մազիովթի, որ իր որդիներովը ու եղբայրներովը տասուերկու մարդ էր. 31Քսանըչորսերորդը Ռօմամթիեզերի, որ իր որդիներովը ու եղբայրներովը տասուերկու մարդ էր: