ՍԱՂՄՈՍ ՃԹ (ՃԺ)

Ի կատարած. Սաղմոս Դաւթի։

1Ասաց Տէր ցՏէր իմ. Նիստ ընդ աջմէ իմմէ, մինչեւ եդից զթշնամիս քո պատուանդան ոտից քոց։ 2Գաւազան զօրութեան առաքեսցէ քեզ Տէր ի Սիոնէ, եւ տիրեսցես դու ի մէջ թշնամեաց քոց։ 3Ընդ քեզ է ինձ սկիզբն աւուրց զօրութեան, ի վայելչութիւն սրբոց քոց յարգանդէ յառաջ քան զարուսեակ ծնայ զքեզ։՝՝ 4Երդուաւ Տէր եւ ոչ եւս զղջասցի, թէ՝ Դու ես քահանայ յաւիտեան ըստ կարգին Մելքիսեդեկի։ 5Եւ Տէր ընդ աջմէ քումմէ, խորտակեսցէ յաւուր բարկութեան զթագաւորս։ 6Դատի զհեթանոսս եւ բազում առնէ զհարուածս, եւ խորտակեսցէ զգլուխս բազմաց յերկրի։ 7Զուխս ի ճանապարհի արբուսցէ, վասն այնորիկ եւ բարձր արասցէ զգլուխս։