Ելից

39

1 արար պատմուճանս պաշտամանն, պաշտել նոքօք ի սրբութեանն. արար պատմուճանս սրբութեանցն որ իցեն Ահարոնի քահանայի, որպէս հրամայեաց Տէր Մովսիսի։

2Եւ արարին զվակասն յոսկւոյ եւ ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ։ 3Եւ հատանէին զթիթղունս ոսկւոյն թելս թելս՝ անկանել ընդ կապուտակին եւ ընդ ծիրանւոյն եւ ընդ կարմրոյ մանելոյ եւ ընդ բեհեզոյ նիւթելոյ։ 4Գործ անկուածոյ վակասի գործեցին զնա՝՝, խառնեալ յերկոցունց կողմանց ընդ միմեանս հիւսկէն. գործ անկուածոյ ի միմեանս ի նոյն՝՝։ 5Եւ ի նմանէ ըստ իւրում գործուածոյ, յոսկւոյ եւ ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ. որպէս եւ հրամայեաց Տէր Մովսիսի։

6 գործեաց զերկոսին ականսն զըմրուխտս՝ ժապաւինեալս եւ՝՝ ընդելուզեալս ոսկւով, քանդակեալս եւ մածուցեալս՝՝ ի քանդակ կնքոյ, յանուանց որդւոցն Իսրայելի։ 7Եւ հաստատեաց զնոսա ի վերայ ուսոց վակասին, ականս յիշատակի որդւոցն Իսրայելի, որպէս եւ հրամայեաց Տէր Մովսիսի։

8Եւ արար զտախտակն անկուածոյ նկարակերպ՝՝ ըստ գործոյ վակասին, յոսկւոյ եւ ի կապուտակէ եւ ի ծիրանւոյ եւ ի կարմրոյ մանելոյ եւ ի բեհեզոյ նիւթելոյ։ 9Չորեքկուսի եւ կրկին գործեաց զտախտակն. թզաւ յերկայնութիւն եւ թզաւ ի լայնութիւն։ 10Եւ անկանէր ընդ նմին անկուած ականակապ չորեքկարգեան ականց. կարգն առաջին՝ սարդիոն եւ տպազիոն եւ զըմրուխտ, կարգ մի։ 11Եւ կարգն երկրորդ՝ կարկեհան եւ շափիղա եւ յասպիս։ 12Եւ կարգն երրորդ՝ սուտակ եւ գոճազմ եւ ակատ։ 13Եւ կարգն չորրորդ՝ ոսկեակն եւ եղունգն եւ բիւրեղ. պատեալ եւ ընդելուզեալ ոսկւով։ 14Եւ ականքն ըստ անուանց որդւոցն Իսրայելի էին. երկոտասանք յանուանց նոցա գրեալք եւ քանդակեալք, ըստ իւրաքանչիւր անուանց ազգացն երկոտասանից։ 15Եւ արարին ընդ տախտակաւն վերջս փողփողեալս ի վերայ երկուց օղոցն, գործ հիւսկէն յոսկւոյ սրբոյ։ 16Եւ արարին երկուս վահանակս ոսկիս եւ երկուս օղս ոսկիս. եւ եդին զերկուս օղսն ոսկիս յերկոսին առաջս տախտակին։ 17Եւ եդին զվերջսն փողփողեալս ի վերայ երկուց օղոցն յերկոսին կողմանս տախտակին։ 18Եւ յերկոսին խառնուածսն զերկուս վերջսն փողփողեալս եդին ի վերայ երկուց վահանակացն. եւ զնոսա եդին ի վերայ ուսոց վակասին դէմ յանդիման յերեսաց կողմանէ։ 19Եւ արարին երկուս օղս ոսկիս, եւ եդին ի վերայ երկոցունց թեւոցն ի ծայրս տախտակին, ի գլուխ թիկանց վակասին ի ներքոյ կողմանէ։ 20Եւ արարին երկուս օղս ոսկիս, եւ եդին ի վերայ երկոցունց ուսոց վակասին ի ներքոյ կողմանէ յերեսաց նորա՝ ըստ վերնոյ խառնուածոյ անկուածոյ վակասին։ 21Եւ պնդեցին զտախտակն յօղից նորա մինչեւ ցօղս վակասին, խառնեալ ընդ միմեանս ի , հիւսեալս ընդ միմեանս յանկուած՝՝ վակասին, զի մի՛ զերծանիցի տախտակն ի վակասէ անտի, որպէս հրամայեաց Տէր Մովսիսի։

22 արարին զվտաւակսն ի վերայ վակասին՝՝, գործ անկուածոյ համակ կապուտակ։ 23 օձիք վտաւակացն անդէն ի նորին ի միջի անկուածոյ հիւսկէն՝ գրապանաւ օձիքն շուրջանակի անքակ՝՝։ 24Եւ արարին առ վտաւակացն իբրեւ ծաղկեալս նռնաձեւս ի կապուտակէ եւ ծիրանւոյ եւ ի կարմրոյ մանելոյ եւ ի բեհեզոյ նիւթելոյ։ 25Եւ արարին զանգակս յոսկւոյ սրբոյ, եւ եդին զզանգակսն ի մէջ նռնաձեւացն առ վտաւակացն շուրջանակի։ 26Ի մէջ նռնաձեւացն զանգակս ոսկիս եւ նռնաձեւ, զանգակ եւ նռնաձեւ՝ առ վտաւակացն շուրջանակի ի սպաս պաշտամանն, որպէս հրամայեաց Տէր Մովսիսի։

27Եւ պատմուճանս բեհեզեղէնս գործ անկուածոյ՝ Ահարոնի եւ որդւոց նորա։ 28Եւ զապարօշսն ի բեհեզոյ, եւ զխոյրն ի բեհեզոյ, եւ տաբատ ի նիւթոյ բեհեզոյ՝՝։ 29 զկամարս նոցա՝՝ ի բեհեզոյ նիւթելոյ եւ ի կապուտակէ եւ ի ծիրանւոյ եւ ի կարմրոյ մանելոյ, գործ նկարու, զոր օրինակ հրամայեաց Տէր Մովսիսի։

30Եւ արարին նուէր՝՝ սրբութեանն յոսկւոյ սրբոյ. եւ գրեցին ի նմա գիր դրոշմեալ քանդակի, ՍՐԲՈՒԹԻՒՆ ՏԵԱՌՆ։ 31Եւ առ կապուտակեայ ժապաւինեաւն՝՝, զի կայցէ ի խուրին ի վերոյ կողմանէ, զոր օրինակ հրամայեաց Տէր Մովսիսի։

32Եւ կատարեցաւ ամենայն գործ խորանին վկայութեան. եւ արարին որդիքն Իսրայելի ըստ ամենայնի որպէս եւ հրամայեաց Տէր Մովսիսի. նոյնպէս եւ արարին։ Եւ զաւելորդ զոսկի նուիրացն՝ արարին կահ պաշտելոյ նոքօք առաջի Տեառն։՝՝ 33Եւ զպատմուճանսն ի խորանն՝՝ առ , զյարկն եւ զամենայն զկահ նորա, զառանցսն եւ զտախտակս նորա, եւ զպարզունակս նորա, եւ զսիւնակս նորա, եւ զխարիսխս նորուն, 34 զմաշկսն, եւ զմորթս խոյոցն ներկեալս կարմրով, եւ զվիժակսն կապուտակեայս՝՝, եւ զսրահակն որ ծածկէր, 35զտապանակ կտակարանացն, եւ զլծակսն, եւ զքաւութիւնն, 36զսեղանն զառաջաւոր եւ զամենայն զկահ նորա, եւ զհացն երեսաց, 37եւ զաշտանակն սուրբ եւ զճրագարանս նորա եւ զճրագունսն այրելոյ, եւ զամենայն զկահ նորա, եւ զեւղն լուսոյ, 38եւ զսեղանն ոսկի, եւ զեւղն օծութեան, եւ զխունկսն հանդերձանաց, եւ դրանն, եւ զխորանն՝՝, 39եւ զսեղանն պղնձի զլծակս նորա, եւ զամենայն զկահ նորա, եւ զաւազանն եւ զխարիսխս նորա, 40 զառագաստ սրահին՝՝ եւ զսիւնս նորա եւ զխարիսխս նորա, եւ զվարագոյր խորանին եւ զդրան սրահին՝՝, եւ զապաւանդակս նորա եւ զցիցս նորա, եւ զամենայն զկահ խորանին վկայութեանն, 41եւ զպատմուճանսն պաշտաման պաշտել ի սրբութեանն, եւ զպատմուճանսն սրբութեանն որ իցեն Ահարոնի քահանայի, եւ զպատմուճանս որդւոց նորա ի քահանայութիւն։ 42Ըստ ամենայնի զոր միանգամ պատուիրեաց Տէր Մովսիսի՝ նոյնպէս եւ արարին որդիքն Իսրայելի զամենայն կազմածն։

43Եւ ետես Մովսէս զամենայն գործն, եւ էր գործեալ ըստ օրինակին որպէս հրամայեաց Տէր Մովսիսի. նոյնպէս եւ արարին. եւ օրհնեաց զնոսա Մովսէս։

Աստվածաշունչ «Գրաբար» Թարգմանություն (1895)