1Պատուեա՛ զբժիշկ ՚ի պէտս անձին քո, զի եւ նա յԱստուծոյ արարեալ է: 2Բայց բժշկութիւն ՚ի Բարձրելոյն է: 14զի եւ նոքա զՏէր աղաչեսցեն՝ զի յաջողեսցի գործ նոցա: 15Է՛ ժամանակ՝ զի ՚ի ձեռս նոցա է բժշկութիւն քեզ. զի եւ նոքա զՏէր աղաչեսցեն՝ զի յաջողեսցի գործ նոցա: 16՚Ի վերայ մեռելոյ իջոյ արտօ՛սր՝ եւ մի՛ արհամարհեր զգիր հրամանի նորա. 18եւ կա՛ց ՚ի սուգ օր մի կամ երկուս, եւ մխիթարեսջիր ՚ի տրտմութենէ: 19Զի ՚ի տրտմութենէ բազում անգամ եւ մահ լինի, եւ տրտմութիւն սրտի կարկամեցուցանէ ՚ի զօրութենէ: 21՚Ի բա՛ց արա ՚ի քէն զտրտմութիւն, 22եւ մի՛ մոռանար՝ զի դարձ քո անդրէն է. 23զի նա այսօր՝ եւ դու վաղիւն երթայցես:

Յաղագս արուեստից մարդկան եւ խրատուց

24՚Ի հանգստեան մեռելոյն հատո՛ նմա զյիշատակ նորա:

26Զի՞նչ իմաստնանայ այր մաճակալ, եւ կամ պարծի ՚ի փայտ խթանի իւրոյ: Եւ այս է գործ նորա, եզինս վարել՝ եւ անդէն մնալ առ նոսա: Պատգամք նորա ՚ի մէջ որդւոց ցլուց. 27եւ տքնութիւն նորա ՚ի մէջ զուարակաց, եւ սիրտ նորա զանկեալ զակօսիւք: 28Ա՛յսպէս ամենայն հիւսն եւ ճարտարապետ, որ դրօշեն զքանդակեալ պատկերս, եւ ստեղծանեն զկերպարանս. միտք իւր տացէ նմանութիւն պատկերի, եւ տքնութիւն իւր գործ կատարէ: 29Ա՛յսպէս դարբին առ սալ՝ եւ զննէ զշանթս դատարկ երկաթոյ. 30մրրիկ հրոյ հալէ զմարմին նորա, եւ ձա՛յն ուռան խլացուցանէ զականջս նորա: 31Սիրտ նորա տացէ կատարումն գործոց իւրոց: 32Սո՛յնպէս եւ բրուտն՝ որ նստի ՚ի վերայ գործոյ իւրոյ, եւ ամփոփեալ ընդ ոտիւք իւրովք շարժէ զանիւն. որ հանապազ ՚ի հոգս կայ վասն գործոյ իւրոյ, եւ յարգի է ամենայն բան նորա: 34Կատարեալ է սիրտ նորա առողջութեամբ, եւ տքնութիւն նորա սրբէ զբով նորա: 35Ամենեքեան սոքա ՚ի ձեռս իւրեանց յուսացան, եւ իմաստնացան ՚ի գործս իւրեանց. 36եւ առանց սոցա ո՛չ շինեսցին քաղաքք բնակչօք իւրեանց: 37Բայց յաթոռս դատաւորաց մի՛ նստցին, 38եւ զիրաւունս եւ զխրատ մի՛ յայտնեսցեն. 39այլ աղօթք նոցա ՚ի գործ ճարտարութեան իւրեանց: